Skip to main content
Unibersidad ng Pilipinas Diliman | Opisina ng Tsanselor

Gawad sa Pinakamahusay na Saliksik sa Agos Journal

GAWAD SA PINAKAMAHUSAY NA AKDA SA AGOS JOURNAL

I. Introduksiyon

Ang Agos: Refereed Journal ng Malikhaing Akdang Pampanitikan ay isang journal na monolingguwal sa Filipino na nagtatampok sa mga malikhaing akda sa wikang Filipino at/o iba pang wika sa Pilipinas.  Layunin nitong higit pang mapagyaman ang pagsusulat at paglalathala ng malikhaing akda sa sariling wika.

II.  Layunin

Layunin ng gawad na ito na mabigyan ng pagkilala ang pagsisikap ng bawat kontribyutor na maitampok ang kanilang malikhaing akda na nasusulat sa wikang Filipino at/o ibang wika sa Pilipinas. Gayundin, paraan ito upang hikayatin ang komunidad ng UP na magsulat sa wikang Filipino para sa konsiderasyon sa paglalathala sa Agos Journal.

III. Kalipikasyon

Maaaring maging nominado ang sinumang kontribyutor ng regular na isyu ng Agos Journal na nailathala.

IV. Premyo

A. Para sa Pinakamahusay na Akda sa Agos Journal

  • Plake ng Pagkilala
  • Mga natatanging aklat na inilathala ng SWF-UPD
  • Premyong Salapi

B. Para sa mga Finalist (3)

  • Sertipiko ng pagiging Finalist
  • medalya

C. Tula

  • Mga Kategorya (Depende kung may kalipikado)
  • Tulang Pambata
  • Maikling Kuwento
  • Maikling Kuwentong Pambata
  • Sanaysay
  • Dagli
  • Dula
  • Eksperimental

Tala: Sakaling higit sa isa ang awtor ng akda, tatanggapin nila ang premyong salapi bilang isang grupo.

V. Lupon ng mga Hurado

Ang SWF-UPD ang hihirang ng miyembro ng Lupon ng mga Hurado upang sumuri at pumili ng magiging mga finalist at ng pinakamahusay na akda sa Agos Journal.     

Ang pagpili ng pinakamahusay na akda ay batay sa pamantayan o tuntunin na binuo ng SWF-UPD.

VI. Proseso sa Pagpili ng Pinakamahusay Akda sa Agos Journal

1. Ang SWF-UPD ay magtatalaga ng Lupon ng mga Hurado. Sila ay mga premyadong manunulat, kabilang sa refereed journal, at/o tumanggap din ng iba’t ibang gawad mula sa loob at/o labas UP. Pangunahing tungkulin ng mga hurado ang magtakda ng pamantayan, kasama ng SWF-UPD, na gagamitin sa pagsusuri, pagsala, at pagpili ng mga finalist at tatanghaling Pinakamahusay na akda sa Agos Journal. 

2. Ang pagbabasa at pagsusuri ng mga hurado sa mga akdang pampanitikan ay magsisimula sa itatakdang petsa. Pagkaraan ay magkakaroon ng pulong ang lahat ng Hurado para sa deliberasyon sa pagpili ng mga finalist at tatanghaling pinakamahusay na akda  sa Agos.

3. Padadalhan ng liham-pabatid ang mapipiling mga finalist. Kinakailangang magpasa ang mga finalist ng curriculum vitae bilang tanda ng kanilang  kumpirmasyon.

4. Iaanunsiyo ang mga finalist sa itatakdang petsa.

5. Gagawaran sa pagdiriwang ng Buwan ng Wika ang tatanghaling Pinakamahusay na Akda sa Agos Journal.

6. Ang pasiya ng mga hurado ay pinal.

7. Para sa iba pang detalye o katanungan, maaaring mag-iwan ng mensahe kay Lari Sabangan sa pamamagitan ng email na ito: lbsabangan@up.edu.ph o tumawag sa telepono: VOIP 4583 o 898-185-00

VII. Pamantayan sa Pagpili ng mga Finalist at Pinakamahusay na mga Akda sa Agos Journal

PamantayanKaukulang Puntos
1. May tiyak na ambag sa malikhaing pagsulat at panitikan ng Pilipinas
• May natatanging estilo, pamamaraan, at moda ng artikulasyon na ginamit sa akda
• Nagbibigay ng bagong pananaw o direksiyon sa mga larang ng malikhaing pagsulat at panitikan
• Umaangkop o tumutugon sa nagbabagong anyo o kalagayan ng panitikan bilang produktong pangkultura sa kasalukuyang panahon at sa hinaharap		25%
2. May tiyak na ambag sa pagpapayabong ng wikang Filipino bilang wika ng malikhaing pagsulat at produksiyong pampanitikan sa Pilipinas
• Maayos, mahusay, at makabuluhang gamit ng wika sa malikhaing pagsusulat at produksiyong pampanitikan
• Maayos na nailalahad ang paksa at nilalaman sa pamamagitan ng malaya, masining, mahusay at malikhaing paraan ng pagsusulat gamit ang wikang Filipino at iba pang taal na wika sa Pilipinas		25%
3. Makabuluhan at napapanahon ang mga tema o paksain
• Mahusay at matalas na natatalakay ang mga isyu, tema, at paksa na makabuluhan sa kasalukuyan
• Naiuugnay o nailulugar ang kasalukuyang mga paksa sa isang panlipunan, pangkasaysayan at pangkulturang kontinuum
• Nagbubukas o naghahawan ng landas para sa kritikal na pagdidiskurso ng mahahalagang usapin sa lipunan		25%
4. Nadadalumat at napag-uugnay ang personal, pangkultura at panlipunang kaligiran
• Nailulugar ang mga karanasan at usapin bilang bahagi ng mas malaking danas ng lipunan at bayan
• Nag-aambag sa pagtataguyod ng makabayan, makatao at makatarungang kultura at pambansang identidad		25%
Kabuoan100%

VIII.  Kahingian sa mga Finalist      

8.1.      Liham ng Pagtanggap          

8.2.      Curriculum Vitae at bionote ng (mga) awtor

8.3.      Larawan