Aklat para sa kursong Computer Science o Computer Engineering. Binubuo ng pitong kabanata: I. Representasyon ng Data; II. Computer Arithmetic; III. Boolean Algebra at mga Logic Gate; IV. Simplification ng mga Boolean Function; V. Combinational Logic; VI. Sequential Logic; at VII. Aplikasyon ng Sequential Logic.

Ang computer ay bagong teknolohiya na hudyat ng pagbabago sa lipunan, gawain, pakikipag-ugnayan, pagtalakay sa mga problema, pansariling karanasan, at edukasyon. Dapat bigyan ang mga mag-aaral at sambayanan ng mga kaparaanan upang makatugon sa mga pagbabagong ibinubunga ng teknolohiyang ito. Tugon ang aklat sa pangangailangang ito.

Binubuo ng tatlong malalaking bahagi - hardware, software, at peopleware - ang sistema ng computer. Hardware ang tawag sa pisikal na makina. Software naman ang program na pinapatakbo sa makina. Walang silbi ang makina kung wala ang mga program na bumubuo sa mga instruksiyong isasagawa nito. Peopleware ang tumutukoy sa mga taong gumagamit at nagpapatakbo ng hardware sa pamamagitan ng software. Sa aklat na ito, pagtutuunan ng pansin ang ugnayan at interaksiyon ng tatlong bahaging nabanggit - kung paano magagamit ang hardware ng peopleware sa pamamagitan ng mga direktang mekanismo ng low-level software.

Textbuk para sa kursong Agham Pangkalikasan I ng Unibersidad ng Pilipinas at tumatalakay sa mga panimulang kaalaman sa pisika at kemistri.

Textbuk para sa kursong Agham Pangkalikasan II ng Unibersidad ng Pilipinas at tumatalakay sa mga panimulang kaalaman sa biyolohiya at geology.

Textbuk sa kursong Batayang Biyolohiya sa hay-iskul. Binubuo ng pitong yunit: I. Agham, Teknolohiya at Kaligiran; II. Enerhiya ng Buhay; III. Klasipikasyon ng mga May Buhay; IV. Batayang Kemikal at Cellular ng Buhay; V. Organisasyon sa mga Organismong Multicellular; VI. Henetika; VII. Ebolusyon: Teorya ng Pagbabago ng mga May Buhay

Textbuk sa kursong Kemistri sa hay-iskul. Binubuo ito ng sampung yunit: I. Ang Kemistri; II. Ang Matter; III. Mga Anyo ng Matter-Ang Kinetic Molecular Theory; IV. Ang Atom at ang Periodic Table; V. Ang mga Chemical Bond; VI. Ang mga Reaksiyong Kemikal; VII. Mga Solution at Colloid; VIII. Chemical Kinetics; IX. Mga Asido at Base; at X. Elektrokemistri.

Isang aklat para sa mga Pilipinong mag-aaral sa ikaapat na baytang ng mataas na paaralan. Maaring gamitin ang aklat na ito bilang isang textbuk o reference sa klaseng pisika. Nahahati ito sa anim na yunit: Pagkilos at Puwersa, Ang Puwersa sa Matter, Mga Batas ng Konserbasyon, Vibration at Alon, Elektrisidad at Magnetismo, at Makabagong Pisika. May dalawa hanggang limang kabanata bawat yunit. Bawat kabanata ay may gawain para sa mga mag-aaral, pagtalakay ng mga konsepto o prinsipyo ayon sa mga datos o obserbasyon sa gawain, buod ng kabanata, at tulong sa mga mag-aaral o mga tanong tungkol sa kabanata.

Hinahangad na sa pamamagitan ng aklat na ito, matutulungan ng guro ang kanyang mga mga-aaral na magustuhan ang Pisika, mag-isip, maintindihan ang mga batayang konsepto at prinsipyo sa pisika, at magamit ang kaalamang ito sa pang-araw-araw na buhay.

Ikalimang edisyon ito ng manwal panlaboratoryo ng Biyolohiya II-kursong tumatalakay sa mga pangunahing prinsipyo na nauukol sa mga organismo, populasyon, at komunidad ng lahat ng bagay na may buhay sa mundo. Binigyang-diin sa edisyon ang pagsasama ng mga paksa na mahalaga sa pangkalahatang kaalaman ng mga mag-aaral.

Katambal na aklat ng Biyolohiya II: Manwal Panlaboratoryo. Isinama rin dito ang mga paksang mahalaga sa pangkalahatang kaalaman ng mga mag-aaral.

Textbuk para sa mga nag-uumpisang mag-aral ng embriolohiya. Simple lamang na tinatalakay ang morpolohiya ng mga embryo at mga konsepto ng mekanismo nito. Makatutulong ito sa pag-unawa ng mga bahagi ng embryo at ang mekanismo ng kanilang development na makikita sa slide sa laboratoryo.

Layunin ng manwal na ito na gawing madali ang trabaho sa laboratoryo ng mga mag-uumpisang mag-aaral ng Embriolohiya ng Vertebrata. Binubuo ng tatlong bahagi: Ang Cell Cycle, Gametogenesis, at Organogenesis.

Manwal ng mga eksperimento sa Kemistri I. Bunga ito ng ""mahigit sa apat na taong pag-aaral, sinubukan ng mismong sumulat at ipinagawa sa mga mag-aaral upang makatiyak na ang makukuhang resulta ay ayon sa konseptong pinagbabatayan.""

Binigyang-pansin sa pagsulat ang paggamit ng mga murang kemikal na likas na makukuha sa bansa.

Textbuk sa kursong Pangkalahatang Agham. Binubuo ng limang yunit na nahahati sa mga kabanata: I. Agham at Teknolohiya; II. Matter-Katangian at Pagbabago; III. Enerhiya; IV. Ang Mundo at ang Kalawakan; V. Mga Buhay na Bagay at ang Kanilang Kaligiran.

Bahagi ng likas na yaman ng Filipinas ang mga sari-saring produktong hango sa mga punongkahoy at iba pang halamang tumutubo sa mga kagubatan ng bansa. Kabilang sa mga produktong ito ang tabla, veneer, plywood, pulp, papel at ang iba't ibang uri ng mga produktong ginagamit bilang materyal sa paneling, konstruksiyon at paggawa ng mga muwebles. Pinalalawak ng aklat na ito ang kaalaman ukol sa katangian at tamang paggamit ng mga produktong ito. Nakatutulong din ang mga dagdag na kaalaman sa episyenteng pagmamanupaktura upang maiwasan ang labis na paggamit at mga nasasayang na pira-pirasong kahoy sa mga planta o pagawaan. Sa ganitong paraan, natutulungan ang mga industriyang nabanggit upang mabawasan ang gastusin at tumaas ang kanilang kita. Sa kabilang dako, nababawasan naman ang pangangailangang magputol ng karagdagang mga punongkahoy at naisusulong ang konserbasyon ng mga likas-yamang pangkagubatan.

Ang Botanikang Panlaboratoryo ay naglalaman ng mga pagsasanay tungkol sa mahahalagang konsepto sa larangan ng Botanika. Bawat pagsasanay ay nagsisimula sa isang maikling introduksiyon na sinusundan ng mga paliwanang at gabay kung paano isasagawa ang mga gawain na inaasahang magbunga ng mga makabuluhang obserbasyon at kasagutan sa mga katanungan. Nakatuon ang mga pagsasanay sa mga maaaring maranasan at masaksihan ng mga mag-aaral. Nilalayon ng activity-observation format na ito na makasanayan ng mag-aaral ang paraang siyentipiko.

Panimulang aklat sa pag-aaral ng histolohiya ng hayop. Ang pagkakasunud-sunod ng kabanata ay tugma sa mga pagsasanay sa laboratoryo upang mapadali ang pag-intindi ng mga mag-aaral sa mga konsepto at proseso ng histolohiya ng tao at hayop.

Manwal na pantulong at pandagdag sa aklat sa Histolohiya. Layunin na matulungan ang mga nag-uumpisang mag-aral ng histolohiya sa pamamagitan ng mga gabay sa pag-aaral na nakapaloob dito.

Textbuk sa larangan ng Agrikultura na naglalaman ng mga tuntunin sa pamamahala ng ilahas ( wildlife) sa tropiko. Nahahati sa apat na bahagi: I. Pagsinop ng Ilahas; II. Biolohiya ng Ilahas; III. Ekolohiya ng Ilahas; at IV. Pamamahala ng Ilahas.

Aklat na inihanda para sa mga guro at mag-aaral ng biyolohiya bilang isang sanggunian sa pag-aaral ng mga insekto sa Pilipinas. Tumatalakay ito sa iba'ibang uri ng mga insekto na nabibilang sa natatanging grupo ng mga hayop na kasama sa Phylum Anthropoda. Kabilang sa mga paksa ang identipikasyon, morpolohiya at pisyolohiya, paglaki at metamorphosis, tirahan at gawi, ekonomiko at medikal na kahalagahan sa tao. Nagbibigay din ito ng panimulang kaalaman ukol sa sistematikong klasipikasyon ng mga insekto sa Pilipinas.

Layunin ng aklat na talakayin ang mga kaisipan na humubog sa kanluraning pananaw hinggil sa lipunan, ekonomiya, at politika. Labing-walong piling pilosopo mula sa klasikong panahon ng mga Griyego at Romano hanggang sa kontemporanyong panahon ang napapaloob sa aklat. Limang tema ang nag-uugnay sa iba't ibang panahon na saklaw ng aklat: 1) layunin ng lipunan, 2) kalikasan ng tao, 3) mga uri ng estado, 4) pagbabago ng lipunan at estado, at 5) mga pangunahing isyu ng ekonomiya.

Mabisang paraan ang ganitong paglalahad upang isalarawan ang ebolusyon ng mga kasalukuyang teorya sa larangan ng sosyolohiya, ekonomiks, at agham pampolitika. Higit na mauunawaan ang mga kontemporanyong usaping teoretikal sa agham panlipunan sa pamamagitan ng isang pananaw na tumutukoy sa kanilang pinagmulan.

Textbuk para sa panimulang kursong Agham Panlipunan I. Ang mga babasahin ay isinulat ng mga batang guro na kumakatawan sa sampung disiplina ng Agham Panlipunan. Ang aklat ay may talatakdaan ng pansemestreng asignatura bilang giya ng guro at mag-aaral. Pinayaman ang ilang bahagi ng diagram, ilustrasyon, pigura at hanayan. Liban sa pag-aaral ng malawakang kalagayan ng mundo, itinataguyod ng textbuk ang kultura at diwang Pilipino.

Pagsisiyasat sa ginampanang papel ng Unibersidad ng Pilipinas sa pagpapaunlad at pagpapalaganap ng wikang pambansa mula nang itatatag ang UP (1908) hanggang mapagtibay ang bagong Konstitusyon ng Filipinas noong 1973.

Kalipunan ng mga batayang pagsusuri sa panulaang Tagalog sa panahon ng Espanyol at sa bungad ng siglo 20 na humantong sa kodipikasyon at pormalisasyon ng tugma, sukat, at iba pang salik na katutubo sa pagtula sa Filipinas. Kabilang sa mga pagsusuri: bahagi ng mga Compedio del arte de la lengua tagala (San Agustin); Arte poetico tagalog (Bencuchillo); Arte metrica del tagalog (Rizal); at Peculiaridades de la poesia tagala (Santos).

Isinusulong ang konsepto ng sining bilang isang konstruksiyon na pinapanday sa konteksto ng lipunang ginagalawan nito. Pinahahalagahan ang kakanyahan ng tao na damhin ang kaniyang daigdig, bigyan ito ng pakahulugan, at gumawa ng aksiyong makapagbabago sa kanyang kaligiran. Ang kritikal na pag-unawa sa sining bilang anyo at wika ay mahalagang ambag upang magagap ang produksiyon at pagtanggap ng sining sa lipunang patuloy na nagbabago at binabago. Umaasa ang libro na makapaghain ng isang diskursong pangkultura, sa layong makahikayat ng masusing pananaliksik sa sining at iba't ibang larangan.

Eksperimental at modelong diksiyonaryong Hiligaynon-Filipino na umaabot sa may 10,000 entri.

Diksiyonaryo na may 3,135 katawagang legal, batay sa salin sa Filipino ng may-akda sa Kodigo Sibil at Kodigo Penal. Produkto ng halos tatlong taong pagsasalin.

Ang aklat ay naglalaman ng kaalaman, prinsipyo, at konsepto tungkol sa kahalagahan ng mikrobyo sa kaligiran at pagkain. Kasama rin ang mga uri ng mikrobyo na mahalaga sa pagkain, mga bagay na nakakaapekto sa pagtubo, pagpigil at pagpatay sa mikrobyo sa pagkain, mga paraan ng pag-iimbak ng pagkain at ang epekto nito sa mikrobyo, mga mahahalagang mikrobyo sa pagproseso ng pagkain, mga mapanira at nagdudulot ng sakit na mikrobyo, kahalagahan sa kaseguruhan ng kalidad ng pagkain, at ang mikrobiolohikal na pamantayan.

Handbook sa paggawa ng mga bagong produkto mula sa pagkaing-dagat, tulad ng pusit at tuna. Tinatalakay sa libro ang sistema at proseso, paggawa, paglikha ng mga prototype, packaging, pagtiyak sa kalidad, at pagbebenta ng mga produktong ito sa pamilihan.

Textbuk sa batayang kursong Pagpoproseso ng Pagkain. Pangunahing nilalaman ang mga karaniwan at madalas na ginagamit sa pagsusuri ng pagkaing dumaan sa fermentasyon. Nahahati sa limang kabanatang tumatalakay sa mga uri ng fermentasyon, at uri ng mga pagkaing dumaan sa fermentasyon na gumamit ng iba't ibang materyales.

Salin ng Food and Freedom, Nutrition: A Springboard to Biosocial Uplift, A Test of a Nation's Resolve, isang pag-aaral sa matinding problema ng malnutrisyon sa bansa

Inihanda ang aklat na ito para sa mag-aaral ng teknolohiya sa pagdadala at pagpoproseso ng isda. Gabay rin ito para sa mga nasa industriya. Isinasaad sa unang bahagi ang mga prinsipyo ng pagdadala at pagkalinga ng isda. Naglalaman ang ikalawang bahagi ng mga pangunahing teknolohiya sa pagpoproseso ng mga isda.

Tumatalakay ito sa mga halamang mahalaga sa ating pang-araw-araw na buhay at mga halamang maaaring mapagkakitaan ng ikabubuhay. Mga halamang katutubo at karaniwan dito sa ating bansa ang tampok sa librong ito. Kasama rin sa pagtalakay ang mga halamang maaaring makapagdulot ng di-kanais-nais na pangyayari sa mga tao, tulad ng pagkalason, pangangati, o nagiging masamang bisyo. Mahalaga ang kaalaman tungkol dito upang makilala ang mga halaman at tuloy maiwasan ang mga dapat iwasan. Layunin ng librong ito ang maikintal sa isip ng mga mag-aaral ang kahalagahan ng mga halaman at mga produktong nagmumula sa mga ito.

Batayang aklat sa kursong Reference at Impormasyon sa larangan ng agham pang-aklatan at impormasyon. Inaasahang magkakaroon ng matibay na pundasyon sa larangnag ito ang mga baguhang estudyante: mula sa kakulangan ng ""reference at impormasyon" paano ito sumibol sa mga library at sentro ng impormasyon hanggang sa papel ng reference librarian sa paghahatid ng impormasyon sa mambabasa.

Introduksiyon ito sa isa sa mga gawaing pang-aklatan - ang pagkakatalog at klasipikasyon ng mga babasahin. Tinatalakay rito ang iba't ibang alituntunin at pamamaraan sa paglalarawan ng mga babasahin (bibliographic description), sa pag-alam ng mga paksang nilalaman ng mga ito, ang pagsalin ng mga paksang tinatalakay sa katumbas at angkop na paksang pamuhatan at ang pagsasaayos ng mga ito sa isang aklatan. Tinatalakay rin dito ang kasaysayan ng katalogo at ang pag-unlad ng mga alituntunin sa pagkatalog; mga katangian ng iba' ibang kagamitan sa pagbibigay ng paksang pamuhatan at bilang klasipikasyon; at ang paggamit ng computer sa pagkakatalog at klasipikasyon.

Ang aklat ay salin ng kalipunan ng mga liham ni Mariano Ponce na naging kinatawan o sugo ng Republika ng Malolos sa Hapon. Mahihiwatigan sa mga liham ang pagsisikap niya na kilalanin ng bansang Hapon ang bagong tatag na Republika.

Iniaalay ang munting akdang ito para sa pagdiriwang ng sentenaryo ng kalayaan ng bansang Filipino - ang dakilang bunga ng pagkabitay ni Gat Jose P. Rizal. Marapat na unawain ang mga pangyayaring naganap sa paglilitis ng mga krimeng ipinaratang sa kaniya. Kabilang dito ang usapin na siya ang utak ng rebolusyon noong Agosto 26, 1896 at ang pagkatatag ng La Liga Filipina na sinasabing kinasangkapan sa pag-aaklas ng mga Filipino.

Sa pamamagitan ng aklat na ito, masusuri at mapag-aaralang mabuti ang mga dokumentong may kaugnayan sa paglilitis kay Rizal.

Salin mula sa Espanyol ng mga gunita ng isang ""kaaway"" sa unang yugto at ""kapanalig"" sa ikalawang yugto ng Rebolusyong Filipino. Isang mestisong Espanyol, si Sityar ay opisyal ng Guwardiya Sibil na sumapi sa hukbong Filipino noong katapusan ng siglo 20.

Textbuk sa kursong Alhebra sa hay-iskul. Binubuo ng sampung yunit: I. Mga Ekspresyong Pangmatematika; II. Mga Operasyon sa Ekspresyong Alhebraiko; III. Mga Produktong Espesyal at ang Prosesong Factoring; IV. Ang mga Operasyon sa mga Ekspresyong Rasyonal; V. Mga pangungusap na Pangmatematika; VI. Ang Cartesian Plane: VII. Ang Paghanap ng Solusyon ng Isang Sistema ng mga Tumbasang Nasa Unang Antas; VIII. Mga Radical; IX. Mga Tumbasang Quadratic; X. Mga Varyasyon.

Textbuk sa kursong Heometriya sa hay-iskul. Binubuo ito ng sampung yunit: I. Pangangatwiran at Lohika; II. Heometriya ng mga Punto, Linya at Plane; III. Ang Heometriya ng Anggulo; IV. Tatsulok; V. Inequality sa Heometriya; VI. Parallelism; VII. Mga Rehiyong Polygonal at mga Area Nito; VIII. Magkahawig na Polygon; IX. Bilog; at X. Ang mga Solido at mga Volume Nito.

Textbuk sa kursong Alhebra sa hay-iskul. Binubuo ito ng pitong yunit: I. Ang Sistema ng Numerong Real; II. Rational Exponent; III. Mga Funsiyon at Relasyon; IV. Mga Alhebraikong Funsiyon; V. Mga Iba Pang Funsiyon: VI. Mga Sequence at Mga Serye; at VII. Mga Funsiyong Polynomial.

Textbuk sa kursong Matematika. Binubuo ng sampung yunit: I. Mga Paraan ng Pagbilang; II. Mathematical Induction; III. Ang Teoremang Binomial; IV. Seksiyong Conic; V. Mga Di-Tumbasan (Inequalities); VI. Mga Funsiyon at Relasyon; VII. Limit ng Funsiyon; VIII. Ang mga Derivative; IX. Mga Aplikasyon ng Differentiation; at X. Integration.

Ang textbuk na ito sa Matematika na isinulat sa sariling wika ay kaaya-ayang basahin ng sinuman kahit ng walang gaanong kaalaman sa Matematika.

Nagbibigay ito ng pahapyaw na kaalaman sa maraming sangay ng Matematika. Bukod sa Arithmetic, Elementary Algebra at Eucledian Geometry, tumatalakay din ito sa mga makabagong Geometry tulad ng elliptic, hyperbolic, projective at finite geometry, topology, abstract algebra (group, ring at field), calculus, probabilidad at estadistika, computers at aplikasyon ng mga ito sa pang-araw-araw na buhay. Tinrato ang mga paksa sa paraang madaling maunawaan ng isang maituturing na ""non-science student"".

Textbuk sa kursong Matematika. Binubuo ng limang yunit: I. Sistemang Pamilang; II. Mga Set at Operasyon ng Set; III. Sistema ng Bilang; IV. Mga Parirala at Pangungusap na Pangmatematika; at V. Mga Graph at Table.

Textbuk sa kursong Tumbasang Differential. Binubuo ng anim na kabanata: I. Batayang Konsepto ng Tumbasang Differential; II. Unang Order ng Ordinaryong Tumbasang Differential; III. Linear na Ordinaryong Tumbasang Differential; IV. Laplace Transformation; V. Numerical na Solusyon; at VI. Partial na Tumbasang Differential.

Isinulat ang aklat na ito para sa mga mag-aaral ng Entomolohiya Medikal bilang isang panimulang sanggunian. Ito ay tumatalakay sa morpolohiya, gawi ng buhay, pamamaraan ng pagsugpo, at mga sakit na dinadala o idinudulot ng iba't ibang uri ng mga kulisap o insekto at iba pang kamag-anakan nito.

Ang aklat na ito ay maituturing na pundasyon sa mga mag-aaral ng Dentistri. Sinikap bigyan ng angkop na salin sa wikang pambansa ang mga terminolohiya at mga konseptong dinebelop sa disiplina. Inaasahang makapagpapadali ito sa talakayan at pag-unawa ng mga estudyante at makatutulong naman sa pagtuturo ng kaguruan ng Dentistri.

Tumatalakay sa mga kapansanang madalas na matatagpuan sa komunidad. Ipinaliliwanag dito ang kahulugan at kadahilanan, pag-iwas at terapi para matulungan ang may-kapansanan. Nahahati ang libro sa apat na bahagi: I. Ang May-kapansanan at ang Kanyang mga Karapatan; II. Mga Isyung Hinaharap ng mga May-kapansanan; III. Pag-iwas, Pagkilala at Pag-rehabilitate ng Iba't Ibang Kapansanan; at IV. Karaniwang Pamamaraan ng Terapi.

Taglay ng aklat ang impormasyon at kaalaman tungkol sa pag-aalaga ng mga may-edad na. Mahigpit itong inirerekomenda sa sinumang nagbibigay ng pag-aalagang pangkalusugan at panlipunan dahil kapaki-pakinabang sa pag-aaruga sa kanilang matatandang kliyente.

Binubuo ng apat na yunit: I. Pagtahak sa landas ng pagtanda; II. Dinamiko ng Pagtanda; III. Pagsusuri at Pagpaplano para sa Pag-aalaga ng Matanda; IV. Iba't Ibang Paraan ng Pag-aaruga sa Matanda.

Masinsinan ang ginagawang pagtalakay sa aklat na ito - nagpapatunay sa malalim at mapanuring pamilyaridad ng may-akda sa kontemporanyong medisina at sa mga problemang dulot nito. Sa kanyang pilosopikal na pagbalangkas, naipakikita ng awtor na ang mga kamangha-manghang teknolohiyang medikal ay may mga nakatagong patibong na dapat pag-ingatan. Ipinaliliwanag ng aklat ang malaking hamon para sa mga gumagamit ng teknolohiya. Dapat nilang ipakita na ang aplikasyon ng mga ito sa pag-aanak, cloning, sa pagsasalin ng organo, sa pananaliksik sa tao, at sa iba pang larangan ng medisina, ay mapakikinabangan nang ligtas at walang labag sa pagkatao.

Makapangyarihan ang midyum ng radyo. Naaabot nito ang malaking bilang ng tao. Maaari itong magbigay ng impormasyon, mang-aliw, makapagturo o makaimpluwensiya. Dahil dito, maraming tao ang nahihikayat na magtrabaho sa mga estasyon ng radyo o kaya'y matutong maghanda ng mga materyal na panradyo. Ang librong ito ay naglalaman ng mga teknik sa pagsulat ng iba't ibang programang panradyo tulad ng balita, komentaryo, editoryal, komersiyal, drama, talakayan, panayam at iba pa. Mayroon ding mga halimbawa ng iskrip na maaaring gamitin bilang basehan sa pag-aaral ng pagsulat ng iskrip.

Itinatampok sa libro ang samotsari at makukulay na karanasang nabuo sa pusod ng isip ng bata. Ipinaloob sa makabagong parabula at paradoha ang pagsasalikop ng dahas at paglaya, ng lungkot at pagtuklas ng pagbabanyuhay at pagmamahal.

Makatutulong ang aklat na ito upang angkopan ang pangangailangan sa pangunahing batis sa pag-aaral at pagtuturo ng kasaysayang pangkultura ng Filipinas. Para sa mga Cebuano at Filipinong nakarinig o nakabasa tungkol kay Sotto, magbibigay ang librong ito ng kongkretong ebidensiya ng kaniyang ambag sa kilusang makabayan at magbibigay ng linaw sa ugnayan ng kultura at kasaysayan sa isang mahalagang rehiyon ng bansa.

Isang salin sa Filipino ng sikat na obra ni Ernest Hemingway na The Old Man and the Sea, isang kuwentong nagtatampok sa lakas at dangal ng tao.

Isa sa mahuhusay na akdang prosa ng siglo 19 at itinuturing na prototipo ng nobelang Filipino. Layunin nitong maging panuto sa asal pansarili at pangkapwa-tao, bukod sa maging babasahing may layuning pastoral. Magkaagapay sa edisyong ito ang binagong anyo ng akda (edisyong 1907) at binagong anyo sang-ayon sa ortograpiya ng modernong Filipino.

Multilinguwal na koleksiyon ng labing-anim na kuwento mula sa Kanlurang Visayas. Isinalin sa Filipino ang mga akda mula sa Hiligaynon (walo), Kinaray-a (tatlo), at Akeanon (lima). Kasama sa aklat ang orihinal na teksto.

Isang klasikong katha ng ika-19 daantaon. Sa isang banda, isa ito sa tinatawag na ""pamaraang oskurantista"" ng kolonyalismong Espanyol. Sinulat ayon kay Marcelo H. del Pilar, kaban sa mithiin ng mga Filipino na maging edukado. Sa kabilang banda, mohon ito sa orihinal na panitikang tuluyan at mababanaagan ng simula ng realismo sa pagkukuwento. Magkaagapay sa edisyong ito ang orihinal na teksto (1885) at binagong anyo sang-ayon sa ortograpiya ng modernong Filipino.

Multilinguwal na koleksiyon ng labing-anim na kuwento mula sa Kanlurang Visayas. Isinalin sa Filipino ang mga akda mula sa Hiligaynon (walo), Kinaray-a (tatlo), at Akeanon (lima). Kasama sa aklat ang orihinal na teksto.

Bibliograpiya ito ng mga akdang naisalin mula sa mga dayuhang wika tungo sa Tagalog, Pilipino at Filipino. Binabalangkas ang nilalaman ayon sa tradisyonal na pagyuyugtong pangkasaysayan: panahon ng Kastila (1593-1898); panahon ng Amerikano (1900-1940); panahon ng Hapon (1941-1945); at kasalukuyang panahon (1946-1998). Itinampok dito ang pagsasalin ng iba't ibang anyong pampanitikan na malaganap sa bawat panahon. Kalakip din ang bibliograpiya ng mga lokal at dayuhang artikulo at libro tungkol sa pagsasaling-wika.

Binubuo ng mga talumpating binigkas ng may-akda sa iba't ibang okasyon. Lahat ng mga talumpati ay humihimok sa mambabasang magbalik-tanaw sa kasaysayan ng kanyang bayan upang higit na makita ang halaga ng paggamit sa mapagkaisang wika tungo sa pagkakamit ng kaunlaran ng higit na nakararaming mamamayan.

Pagsusuri ng mga pag-aaral na ginawa ng mga iskolar na Filipino sa wikang Tagalog/Filipino mula 1893 hanggang 1977-mula kay Jose Rizal hanggang sa mga modernong lingguwista tulad nina Cecilio Lopez at Teodoro Llamzon.

Kauna-unahang libro na nagdodokumento ng mga kongkretong hakbang at aktibidad na binalangkas ng Kilusang Pambansa-Demokratiko sa pagpapahalaga at pagpapalaganap ng pambansang wika.

Mga pag-aaral pangwika na nagsisikap na bigyang linaw ang mga elementong bumubuo sa wikang Filipino. ""Isang uri ng pagwasak sa ilang paniniwala, akala't alamat tungkol sa pambansang wika.""

Pag-aaral sa mga nagawa at ginagawang pagpaplanong pangwika sa edukasyon sa Malaysia, Indonesia, at Pilipinas. Tulong sa sinumang interesado sa pagpaplano ng wika ""dahil makikita sa paraan ng mga kongkretong pangyayari ang aplikasyon ng mga teorya, matagumpay man o hindi.""

Pagsisiyasat sa ginampanang papel ng Unibersidad ng Pilipinas sa pagpapaunlad at pagpapalaganap ng wikang pambansa mula nang itatatag ang UP (1908) hanggang mapagtibay ang bagong Konstitusyon ng Filipinas noong 1973.

Marami nang pag-aaral sa gramatika ng iba't ibang wika at wikain sa Filipinas mula pa noong siglo 16. Sinangguni ang marami sa mga gramatikang ito upang maging batayan sa pagbuo ng librong ito. Buhay at dinamikong wika ang Filipino. Nabuo ito sa napakahabang panahon-mula sa mayamang panitikan sa mga kabisera, lalo na sa Kamaynilaan, at sa aktibong interaksiyon ng mga Filipino na may kani-kanilang wikang etniko. Tanggap ng Filipino ang pagpasok ng mga bagong salita at termino mula sa iba't ibang larangan: sa edukasyon, negosyo, kultura, ekonomiya, at politika. Ang wikang ito na ginagamit, sinasalita, at isinusulat ang siyang itinakdang pambansang wika sa Konstitusyon ng Filipinas ng 1987.

Koleksiyon ng mga sanaysay sa iba't ibang larang ng wikang Filipino, kabilang ang mga pagtalakay sa isyu ng wikang pambansa at pagpapalaganap nito.

Librong gumagamit sa wikang Filipino sa pagtuturo ng wikang Kastila, sa paniwalang ""higit na mapapadali at mapabibilis ang kasanayan"" ng mga kabataan sa wikang Kastila.

Isang pag-aaral linggwistiko ( na nakasulat sa Espanyol) ng mga hispanismo o salitang espanyol na matatagpuan sa makabagong Filipino, batay sa komunikasyong pangmadla ng Filipinas, tulad ng radyo, telebisyon, peryodiko at magazine. Isinagawa ang pag-aaral ayon sa iba't ibang antas linggwistiko: ortograpiko, ponolohiko; morpolohiko, semantiko at leksiko, upang alamin kung paano pumaloob at umangkop ang mga hispanismo sa wikang pambansa. Kasama rin sa pag-aaral ang frecuencia o dalas at porsentahe ng paggamit ng mga hispanismo sa kasalukuyan at kung paano ginagamit ng makabagong Filipino ang mga hispanismo para palawakin ang kanyang bokabularyo. Pinatutunayan sa akdang ito na ang mga hispanismo ay tunay na kabahagi ng pambansang wika.

Nauna ang Contigo sa Vamos a Ver. Pangunahing layunin ng Contigo na gisingin ang interes ng estudyante sa pag-aaral ng wikang Kastila sa tulong ng wikang Filipino. Layunin naman ng Vamos a Ver na panatilihing buhay at payabungin ang interes na ito. Una, sa tulong ng wikang Filipino at, pnagalawa, sa pamamagitan ng mga pagsasanay na inihanda para mapabilis ang pagkatuto hindi lamang ng mga estruktura ng wikang Kastila kundi, ng higit sa lahat, ng bokabularyo.

Sa tulong ng wikang Filipino, pinagagaan ng libro ang pag-aaral ng Kastila at pinatutunayan na maraming salitang Filipino ay galing sa Kastila. Itinatampok diin din dito ang pagpapayaman ng kaalamang pangkasaysayan at pangkultura ng mga estudyante.

Mahalaga sa pag-aaral ng alinmang lenggwahe ang pagkakaroon ng sapat na bokabularyo. Ang pagbibigay-diin dito ang ikinaiba nito sa ibang libro na ginagamit sa pagtuturo ng wikang Kastila.

Mahusay ka bang makinig? Sa lahat ng tatlong konteksto, napag-alaman na nagtataglay ng impormasyon ang mga kumuha ng pagsusulit bago sila mag-test subalit tila hindi nila taglay ang gayong impormasyon pagkakuha ng test (post-test) nang gamitin sa kaugnay na diskurso. Ang pangyayaring ito ay kailangan pang patunayan at suriin sa pamamagitan ng pag-aaral kung paano naipaloob ang impormasyon sa ekspiremental na stimulus.

Tatanggapin ba ninyo ang hamon na linawin ang kahulugan ng di-pakikinig sa inyong klase? Nagbibigay ang Husay sa Pakikinig ng mga panimulang kaalaman upang matulungan kayong mapahusay ang inyong pang-unawa sa mga pangunahing kasanayan para sa personal at panlipunang kaunlaran.

Salin ito ng akdang nakasulat sa Espanyol, isang pag-aaral linggwistiko ng mga hispanismo o salitang espanyol na matatagpuan sa makabagong Filipino, batay sa komunikasyong pangmadla ng Filipinas tulad ng radyo, telebisyon, peryodiko at magazine. Isinagawa ang pag-aaral ayon sa iba't ibang antas linggwistiko: ortograpiko, ponolohiko, morpolohiko, semantiko at leksiko, upang alamin kung paano pumaloob at umangkop ang mga hispanismo sa wikang pambansa. Kasama rin sa pag-aaral ang frecuencia o dalas o porsentahe ng paggamit ng mga hispanismo sa kasalukuyan at kung paano ginagamit ng makabagong Flipino ang mga hispanismo para palawakin ang kanyang bokabularyo. Pinatutunayan sa akdang ito na buhay na buhay ang mga hispanismo sa Filipino.

Ang Agham Computer ay isang komprehensibong libro tungkol sa arte at agham ng paggawa ng mga programa para sa computer at epekto ng nasabing computer sa lipunan. Ang mga konsepto sa pagpoprograma na itinuturo sa librong ito ay generic-maaaring gamitin sa iba't ibang lengguwaheng pamprograma (programming languages). Dalawang lengguwaheng pamprograma ang ginamit sa librong ito upang magsilbing halimbawa. Ito ay ang Turbo Basic at Turbo Pascal.