Mga tinipong panayam sa pitong nakaraang pambansang komperensiya ng SANGFIL na dinaluhan ng mga guro sa Filipino na pinagbubuklod ng isang layunin, ang mapagbuti at mapaunlad ang pagtuturo ng Filipino. Napapanahong ayusin at itanghal ang mga ito sa isang tomo upang mabasa nang masusi at mapag-aralan ang mga larangang ganap nang napagtagumpayan ng mga tagasuporta at tagapagtanggol ng tagapagpalaganap ng wika. Mahalaga itong gawin upang masalungguhitan ang krusyal na posisyon ng samahang pangwika tulad ng SANGFIl sa malawakang praktis ng paggamit ng wikang pambansa sa mga institusyong pang-edukasyon at ang pagtukoy rin ng iba pang aparato na may malaking papel sa pagpapalaganap ng wikang Filipino.