Pag-aaruga Sa Mga Taong May- Edad Na

Ang aklat na ito ay nagtatalakay sa pagmamahal at sa magiliw na pagkalinga at pag-aaruga sa mga may-edad na. Ang pananalig na ang pag-aaruga sa mga taong may-edad ay nagsisimula sa pagbibigay- halaga sa kabuuang pangkalusugan. Ang lubusang pag-aaruga ay nagsisimula sa mga pagpapahalagang ibinibigay sa sarili na siya namang isinakatuparan sa gawa. Ang pagtanda ay isang pangsariling saloobin at ito ay maaaring marating nang kalugod-lugod kung tatanggapin ang katotohanan ng pagtanda at uunawain ang mga bagay kaugnay nito. Ang mga pagpaplano at pamamaraan kung papaano maaalagaan ang mga may-edad ay umiinag sa mga paniniwala, kaugalian, at tradisyon ng mga Filipino, na nakasentro sa kahalagahan ng ugnayang nagtataguyod sa pagkakabuklod ng mag-anak.